السيارة تتأخر بالتسخين لما تكون باردة وانا أكون مستعجل

امبير الضغط اذا نزل تحت الواحد امش 

يارجال عادي 

اول ماتشغلها وتطفى لمبات التحذير كامله خلها دقيقه تكتمل دورة الزيت
وامش عليها بشكل طبيعي جدا بدون ضغط زايد 


خلك طبيعي وامرك في السليم 

كانت عندي نفس الحاله في الفورد
ياخذ وقت عشان يحمى حتى فالشتى

رحت نظفة البخاخات وغير بواجي ورجع يحمى بسرعه سواء برد ولا حر
لان البخاخات بعد فتره تتسخ ووتضيق مجرى البنزين وتصير تبخ بنزين بشكل اضعف حتى العزم يصير اضعف
وانتظرها عاد لين تحمى

شغل السيارة ينزل الضغط على 1  امش بشويش شويش   الى ان تمسك الشارع وقد يستغرق ذالك دقيقة واحدة

كل سيارات تايوتا ولكزس تتاخر في التسخين 
عموما قراءه عداد الحراره مسؤول عنه الكمبيوتر 
يعني ممكن السياره تكون حاميه لكن العداد يعطيك قراءة ان السياره بارده او العداد يكون على الC
لكن الطريقه الصحيحه للتحمية انك تنتظر لين عداد الrpm ينزل تحت ال١ وبعدها بامكانك تمشي طبيعي بدون ضغط على السيارة
الى ان توصل لحرارتها الطبيعية 
طبعا دقيقه واحده كافيه لتحميه السيارة لان الهدف من التحميه هو وصول الزيت لجميع اجزاء المحرك وهذه العمليه تاخذ اقل من دقيقه 
لكن انا انصح بانك تخلي السيارة تاخذ راحتها في التحميه خصوصا اذا السيارة اوتوماتيك 
لان التحميه مهمه للقير ايضا 

مثل ما قالولك الاخوان اذا نزل عداد الضغط تحت 1 امش بشويش الى ان تاصل للشارع ثم حط رجلك

اهلا







انا استخدم الطريقه اني انظر الى الضغط من ينزل امشي

يعني ما تتعدا دقيقة و الحمد لله ما واجهتني مشاكل باكثر من سيارة



اما بخصوص ان الحرارة ما ترتفع الا بعد وقت طويل

سمعت من الكتبي

ان السيارات اليابانية امبير الحرارة غير دقيق

الامبير ينط نطه الى الربع و النصف و الاخير ( H )

لأن اللي متحكم به الكمبيوتر


وما يحبوا الواحد الهوس اللي يدقق بامبير الاحرارة

لا تسخن السيارة شغلها وامش

سيارات تويوتا ولكزس احسها دايم تتأخر بالتسخين

كل شخص رد في موضوعي وساعدني الله ييسر امره 
وان شالله راح اتبع هٰذي الطريقة اول ماينزل امبير الضغط تحت الـ 1 راح امشي 

اخوي حفيد السلاطين ، أنت يمكن مشبه علىٰ اسمي ، أنا ماقد جربت المازدا ابدا والله ولا اعرف عنها شي ، لٰكن في واحد بالمنتدى معنا اسمه عقاب الخيل من المدنية وجرب المازدا دور عليه واساله هو جربها ويمدحها كثير ماشالله 

انا والله اول ماينزل امير الظغط امش واخليها تدحدر وامشي بشويش وهو على طول يرتفع الامبير حق الحراره 

انت يمكن انك تنتظر لين توصل الحرارة للربع او للحد الطبيعي ترى مهب لازم انت اول ماتشغلها اكيد بتكون تحت السي صح خلها لين تتعدا الخط العريض شوي وامشي وانتهى الموضوع

نفس الطريقة كانت تواجهنا في الكورلا حقتنا موديل 2004 وكنا نخليها لين تتعدا الخط العريض ونمشي ولله الحمد بعناها مافيه انظف منها ومكينتها لا اصوات ولا شي

اذا عند كراج دخلها داخل الكراج واول ماتقوم من النوم .. انزل شغلها وبعدين ارجع خلص والبس وا وا وا وتنزل وتلاقيها محتميه ...

نظامي 
شغل السيارة .. خلها نص دقيقة \ دقيقة = لين ينزل العداد عن 1000 rpm  .. بعدها امشي شوي شوي .. لين حرارة القير برضوا ترتفع وخلاص سوق زي ما تبي 
الشغله ما تاخذ دقيقتين 
* في شغله الناس تغفل عنها = حرارة القير 
يحسب اذا شغل السيارة واحتمت بعدها خلاص يقوم يدعس ويتقاوم ووو .. 
غلط .. لازم حرارة القير ترتفع شوي.. وبعدها ادعس وسوق زي ماتبي